Friday, June 19, 2020

საქართველოში ლეღვის ნახარშით კიდევ ერთი ადამიანი დაიწვა

საქართველოში ლეღვის ნახარშის დამწვრობა მიიღო ადამიანმა, რომელმაც სითხე გარუჯვამდე კანზე შეიზილა. ამის შესახებ ინფორმაცია დამწვრობის ცენტრის ხელმძღვანელმა გუგა ქაშიბაძემ გაავრცელა. როგორც მედიკოსი იუწყება, შემთხვევა ერთ-ერთ რეგიონში გამოვლინდა. 


გუგა ქაშიბაძის ინფორმაციით, ბოლო ორი კვირის მანძილზე დამწვრობა საქართველოს მასშტაბით გარუჯვის დროს თხუთმეტმა ადამიანმა მიიღო. 


ექიმები გამუდმებით მოუწოდებენ მოსახლეობას, არ გამოიყენონ ლეღვის ნახარში კანზე წასასმელად, თუმცა მოსახლეობის ნაწილი მედიკოსების მოწოდებებს არაფრად აგდებს და განაგრძობს საკუთარი ჯანმრთელობის საფრთხეში ჩაგდებას.


Wednesday, June 17, 2020

უპრეცედენტო ანტირეკორდი: ბოლო 24 საათში ბრაზილიაში კორონავირუსის 35 ათასი შემთხვევა გამოვლინდა

ბრაზილიაში კორონავირუსით ინფიცირების მაჩვენებელმა უკანასკნელი დღე-ღამის მანძილზე მსოფლიოს ყველანაირი ანტირეკორდი მოხსნა. ქვეყანაში ბოლო 24 საათში Covid-19-ის 34 918 ახალი შემთხვევა დაფიქსირდა, რითაც შემთხვევათა ჯამურმა რაოდენობამ 900 ათასს მიაღწია. 


ამის მიზეზი იმაში მდგომარეობს, რომ ბრაზილიის პრეზიდენტმა, რომელიც ცნობილია ფაშისტოიდური, ჰომოფობიური და რასისტული გამონათქვამებით და როგორც ღრმადმორწმუნე ქრისტიანი ხშირად კავდება რელიგიური პოპულიზმით, სათანადოდ ვერ აღიქვა ის საფრთხე, რაც კორონავირუსიდან გამომდინარეობდა. საამისოდ მას ინტელექტი აშკარად არ ეყო.


მთლიანობაში ბრაზილიაში კორონავირუსით 45 467 ადამიანი გარდაიცვალა, ხოლო 477 364 - გამოჯანმრთელდა.


Monday, June 8, 2020

შოტლანდია მსოფლიოში პირველი ქვეყანა გახდა, სადაც ლგბტ თემის ისტორიას ბავშვებს სკოლებში შეასწავლიან

მაშინ, როცა საქართველოში ბნელები ჯერ კიდევ იმაზე კამათობენ, არსებობენ თუ არა ქართველი გეები და უნდა მივცეთ თუ არა მათ (იმ შემთხვევაში, თუ არსებობენ) სუნთქვის უფლება, ზოგ ქვეყანაში სოლიდარობის გრძნობა და ადამიანური თვითშეგნება იმ დონეზე განვითარდა, რომ ლგბტ თემის ბრძოლის ისტორიას უკვე საშუალო სკოლებში ასწავლიან.


ასეთია მაგალითად შოტლანდია, სადაც მომავალი წლიდან სკოლებში მოსწავლეები მიიღებენ ამომწურავ განათლებას იმ პრობლემების შესახებ, რაც ლგბტ თემს შეექმნა მისი უფლებების მოპოვების პროცესში. 


სასწავლო გეგმა დაიყოფა რამდენიმე ასაკობრივ კატეგორიად და საგნად. შოტლანდიელი მოსწავლეები ისწავლიან იმას, თუ როგორ ებრძოლონ ჰომოფობიას, ბიფობიას და ტრანსფობიას და აიმაღლებენ ცნობიერებას ლგბტ უფლებებთან დაკავშირებით. 


შეგახსენებთ, რომ ქორწინება ლგბტ წყვილებისთვის შოტლანდიაში 2014 წლიდან არის დაკანონებული, ხოლო პარტნიორული ცხოვრების უფლება 2005 წლიდან. 2009 წლიდან კი ლგბტ წყვილებს აქვთ ბავშვის შვილად აყვანის უფლება. შოტლანდიაში ასევე მოქმედებს ანტიდისკრიმინაციული კანონი, რომელიც აღნიშნულმა დასავლეთევროპულმა სახელმწიფომ 2010 წელს მიიღო.


Sunday, June 7, 2020

“ქართული ოცნების” ერთ-ერთი სახე არჩევნებზე ჯაბანა პაპა იქნება

როგორც დღეს “ქართული ოცნების” ოფისში, სპეციალურ ბრიფინგზე გახდა ცნობილი, მმართველი პარტიის ახალი სახე და რეორგანიზებული სიის პირველი ნომერი ჯაბანა პაპა იქნება. 


“ჯაბანა პაპას ყველა ვიცნობთ 90-იანი წლებიდან, როცა შუქი არ იყო და “რადიო 105”-ის არტებს დაჭეჭყილი ბატარეებით ვუსმენდით. ამდენად, ბატონი ჯაბანა არის ცნობილი პიროვნება. ის ასევე არის ჩლუნგი, 2012 წლის ორ ოქტომბერს მმართველ პარტიაში გამობარგებული ყოფილი ნაციონალი, ქვეშქვეშა, ინტრიგანი, ფარისეველი და ქლესა, რომელიც მუდმივად ადიდებს პატრიარქს. მაგრამ რაც მთავარია, არანაირი განათლება არ აქვს და არის ბნელი. ამიტომ იდეალური კანდიდატია “ქართული ოცნების” სიისთვის საპარლამენტო არჩევნებზე”, - განმარტა პარტიის გენერალურმა მდივანმა კახა კალაძემ.


ბრიფინგზე სიტყვით გამოვიდა თავად სიის ახალი სახე და ჟურნალისტებს აღუთქვა, რომ მისი მთავარი მიზანი არჩევნებში გამარჯვების შემთხვევაში არაფრის კეთება იქნება. 


“ჩვენი წინაპრები არაფერს არ აკეთებდნენ. ამიტომ არაფრის კეთება ჩვენი საუკუნოვანი ტრადიციაა, ხოლო გამომდინარე იქიდან, რომ რადგან სკოლაში არ მივლია, ძალიან ტრადიციული ადამიანი ვარ, ჩემი მიზანი იქნება, ერთად მოვუფრთხილდეთ წინაპრების მიერ დანატოვარს”, - აღნიშნა კანდიდატმა. 


ჟურნალისტების კითხვაზე, თუ რატომ არის დარწმუნებული, რომ არაფრის კეთება საქართველოს საუკუნოვანი ტრადიციაა, ბატონმა ჯაბანამ კონტრშეკითხვით მიუგო: 


“ჩვენს ქვეყანაში არსებობს ქვევრები, რომლებიც 8000 წლისაა. უხსოვარი დროიდან ჩვენი წინაპრები ამ ტერიტორიაზე სახლობენ, გვაქვს 3000-წლოვანი სახელმწიფოებრიობა და ამ ყველაფრის მიუხედავად სულ რაღაც 3,7 მილიონი ვართ და ჩვენი მოსახლეობის ლამის ნახევარი უბრალოდ შიმშილობს. ჰოდა, თუ ინტრიგანები არ ხართ, ამ ყველაფრის ფონზე საიდან მოიტანეთ, რომ არაფრის კეთება წინაპრების მიერ ჩვენთვის დანატოვარი უმთავრესი ტრადიცია არ არის?”


როგორც სოციალური გამოკითხვებით გახდა ცნობილი, მთავარია, რომ ჯაბანა პაპა არ უჭერს მხარს გეი მერიჯს და პატრიარქი წმინდანად და ღმერთად მიაჩნია, რომლის განავალი, როგორც რელიქვია, ჯაბანა პაპას ინიციატივით “ქართული ოცნების” გამარჯვების შემთხვევაში გრამი 1000 დოლარად უნდა გაიყიდოს. 


ჯაბანა პაპა ასევე მოითხოვს, რომ კონსტიტუციაში გაჩნდეს ჩანაწერი, რომლის ძალითაც საქართველოს მოქალაქე ყველა სრულწლოვან მამაკაცს ნეკზე ექნება სულ მცირე 4 სანტიმეტრის სიგრძის ფრჩხილი. აღნიშნული ინიციატივის მხარდაჭერის მზადყოფნა უკვე გამოთქვა პარტია “ყლელომ”. სპეციალურ ბრიფინგზე მამუკა ხაზარაძემ განაცხადა, რომ “თი ბი სი” ბანკის კრედიტოფიცრები წინაპრების ხსოვნის პატივისცემის ამბავში უკვე არიან აღჭურვილები არა ოთხი, არამედ 6 სანტიმეტრის სიგრძის ფრჩხილებით ნეკზე და სწორედ ამგვარად გალამაზებულები ასახლებენ საკუთარი საცხოვრებლებიდან იმ გადახდისუუნარო პირებს, რომლებმაც საჭმლის საყიდლად ბანკიდან ეფექტურ 49 %-ში 300 ლარის ოდენობის სესხი აიღეს და ვალი ვერ გადაიხადეს.


როგორც ჯაბანა პაპამ განაცხადა, ნეკზე ფრჩხილის გაზრდის საკონსტიტუციო შესწორების მეშვეობით დაკანონების და პატრიარქის განავლის გაყიდვის გარდა ის თავისი უფლებამოსილების ვადაში სხვა არაფრით არ დაკავდება და ამით აღარ დაარღვევს არაფრის კეთების ძირძველ ქართულ ტრადიციას, რომელიც, როგორც თავად განაცხადა, შვილებს და შვილიშვილებს უნდა შემოვუნახოთ, ოღონდ შვილთაშვილებს აღარ, რადგან როცა ისინი დაიბადებიან, პლანეტის საშუალო ტემპერატურა უკვე ხუთასი გრადუსი იქნება. სწორედ ამიტომ, ერთი შვილთაშვილების თავზეც გავიარე, ეგ “პირსინგებიანი პიდარასტები და ლეზბიანკებიო”, დასძინა ჯაბანა პაპამ.


სომხური კატასტროფა: კორონავირუსის 766 შემთხვევა ბოლო 24 საათში

სომხეთში უკანასკნელი 24 საათის მანძილზე კორონავირუსის 766 ახალი შემთხვევა დადასტურდა, რის შედეგადაც ქვეყანაში ინფიცირებულთა საერთო რიცხვმა 13 130-ს მიაღწია.

ბოლო ცნობების თანახმად სომხეთში Covid-19-ისგან აქტიურ მკურნალობას 8844 პირი გადის, ხოლო ვირუსისგან განიკურნა 4014 ადამიანი.

სომხეთში ბოლო დღე-ღამის განმავლობაში 10 პაციენტი დაიღუპა, რითაც ფატალურ შემთხვევათა საერთო რაოდენობა 200-მდე არის გაზრდილი. 

ამის მთავარი მიზეზი ისაა, რომ სომხეთში დომინირებს პრორუსული განწყობები. სომხეთი რუსეთის კოლონიაა და მისი მთავრობა მოკლებულია დამოუკიდებელი გადაწყვეტილებების მიღების უნარს. ამიტომ სომხეთის მოსახლეობა და სახელმწიფო სტრუქტურები აჰყვნენ რუსულ ნარატივს, რომ კორონავირუსი “არ არსებობდა”. შედეგად მოხდა ის უბედურება, რის შედეგებსაც ყველა ამჟამად ვაკვირდებით. 


Tuesday, June 2, 2020

რატომ არის ამერიკაში მუდმივად დაძაბულობა?

#BlackLivesMatter-ის სლოგანის ქვეშ გაერთიანებულმა გამოსვლებმა ნათლად გვიჩვენა, რომ ამერიკაში რასიზმის პრობლემა ძალიან ღრმა და სისტემურია, ხოლო სისტემურ რასიზმს პოლიტიკური სისტემის ჩავარდნა გამაპირობებს. მართლაც ამერიკაში ავტორიტარიზმი დემოკრატიის საფარქვეშ დღეს ოსტატურად ინიღბება. როგორც ტრამპის და ჰილარი კლინტონის დაპირისპირებამ გვიჩვენა, ამერიკის საარჩევნო სისტემა არ ასახავს უმრავლესობის განწყობებს. ხმოსანთა კოლეგია, რომელიც ირჩევს პრეზიდენტს, არ წარმოადგენს ამერიკის მოსახლეობის უმრავლესობის ინტერესებს, რაც 2016 წელს ნათლად გამოვლინდა, როცა ჰილარიმ იმ უცნაურ ქოჩორა კაცზე ასეულ ათასობით მეტი ხმა მიიღო. ხოლო როცა სახელმწიფოს მართავს პიროვნება, რომელსაც მოსახლეობის უმცირესობა უჭერს მხარს, იმ ქვეყანაში ცხოვრება ვერასოდეს ვერ ჩადგება კალაპოტში. 


ვინმემ შეიძლება თქვას, რომ ამერიკის საპრეზიდენტო არჩევნები მაინც დემოკრატიულია, რადგან ხმოსნები ბოლოს და ბოლოს, მოსახლეობის მიერ არიან არჩეულები, მაგრამ ეს ასე არ გახლავთ. მაგალითად საქართველოს პარლამენტის წევრები პირდაპირი, საყოველთაო და ფარული კენჭისყრის საფუძველზე ირჩევიან. ისინი რომ არაპირდაპირი, არასაყოველთაო ან ღია კენჭისყრის საფუძველზე ირჩეოდნენ, როგორც ეს ამერიკის შეერთებულ შტატებში ხდება, დღეს სახელმწიფოს მმართველი უმრავლესობა ჩვენთან ისევ “ერთიანი ნაციონალური მოძრაობის” ან სულაც, “პატრიოტთა ალიანსის” ხელში იქნებოდა და ეს არ იქნებოდა მოსახლეობის ნების გამომხატველი მმართველობა. 


მაგალითად, მე და თეა თუ ავირჩევთ პეტრეს იმ იმედით, რომ რადგან მეც და თეასაც მოგვწონს ლია და რადგან პეტრეც მოგვწონს, დარწმუნებული ვართ, რომ ლია პეტრესაც მოეწონება, ეს იქნება სისულელე, რადგან პეტრეს შეიძლება პავლე მოსწონდეს ან სანდრო და მას მისცეს ხმა. სწორედ ასე მოხდა ჰილარი კლინტონის და უცნაური ქოჩორას არჩევნების შემთხვევაში, როცა უმრავლესობამ ჰილარის მისცა ხმა, ხოლო პრეზიდენტი ქოჩორა გახდა. ეს არ არის დემოკრატია. ეს სისტემა არის უსამართლო და არ გამოხატავს მოსახლეობის უმრავლესობის ინტერესებს. 


რეალური დემოკრატია მხოლოდ ევროკავშირის ქვეყნებშია. ამას დაუმატეთ აზიის, აფრიკის, ლათინური ამერიკის და ავსტრალია-ოკეანეთის რამდენიმე განვითარებული ქვეყანა და სულ ეს არის თანამედროვე ცივილიზებული სამყარო. ამერიკა სადღაც შუაშია ცივილიზებულ და არაცივილიზებულ სამყაროთა შორის. ამერიკა რა თქმა უნდა, რუსეთი არ არის, სადაც პირდაპირი დიქტატურაა, მაგრამ არც ნორვეგია და ლუქსემბურგია. ამერიკას ძალიან ეხმარება ის, რომ ერთი და იგივე პიროვნება პრეზიდენტი მაქსიმუმ მხოლოდ ორი ვადით შეიძლება გახდეს. კარგია ასევე დამოუკიდებელი სასამართლოს არსებობა (ამერიკული სასამართლო მართლაც შესანიშნავია), მაგრამ ამერიკული დემოკრატია ძალიან არქაისტულია და პოლიტიკური სისტემის ძირეული რეფორმა თუ დროზე არ განხორციელდა, რასიზმი, ჩაგვრა და სისასტიკე ყოველდღიურობიდან ვერასოდეს გაქრება.



რუსული ანტირეკორდი: 9000 ინფიცირებული ბოლო 24 საათის მანძილზე

რუსეთში ოფიციალურად გასული დღე-ღამის მანძილზე კორონავირუსის 8863 დადასტურებული შემთხვევა გამოვლინდა, რაც მსოფლიოში ყველაზე მაღალი მაჩვენებელია. ეს თითქმის ორჯერ უფრო მეტია, ვიდრე ინდოეთში გასული 24 საათის მანძილზე დაფიქსირებულ შემთხვევათა ოდენობა (4490) და თითქმის ორნახევარჯერ მეტი, ვიდრე აშშ-ს ტერიტორიაზე ვირუსის გამოვლენის მაჩვენებელი (3556). 


რუსეთში პალატები ვეღარ იტევს ამდენ ინფიცირებულს. საავადმყოფოები გავსებულია და ექიმები ძალიან მძიმე ავადმყოფებსაც კი შინა მკურნალობას უნიშნავენ. 


ჯამურად რუსეთში ინფიცირებულთა რაოდენობა 423 741-ს აღწევს, რითაც ჩვენი ჩრდილოელი მეზობელი ოფიციალურად მსოფლიოში მე-3 ადგილზეა კორონავირუსის გავრცელების თვალსაზრისით, თუმცა ექსპერტები საუბრობენ, რომ რეალურად მდგომარეობა გაცილებით უფრო მძიმეა და კონტროლს აღარ ექვემდებარება, რაც დიქტატორ პუტინის არასწორი პოლიტიკის შედეგია, რომელმაც დროულად არ მიიღო ზომები ეპიდემიის გავრცელების შესაჩერებლად.


სომხური კატასტროფის ახალი მიჯნა: კორონავირუსით გარდაცვლილთა რიცხვმა მაქსიმუმს მიაღწია

გასული დღე-ღამის მანძილზე სომხეთში კორონავირუსით 19 ადამიანი გარდაიცვალა, რაც ეპიდემიის გავრცელების დღიდან ყველაზე მაღალი მაჩვენებელია და რითაც გარდაცვლილთა საერთო რაოდენობამ 158-ს მიაღწია. დღემდე ყველაზე მაღალ მიჯნად 28 მაისი სახელდებოდა, როცა 15 გარდაცვალება დაფიქსირდა. 


სომხეთში მაქსიმუმს მიაღწია ასევე კორონავირუსით ინფიცირებულთა დადასტურებულმა რაოდენობამაც, რამაც 517 შემთხვევა შეადგინა, რითაც დაავადებულთა საერთო რიცხვი 10 ათასს გადასცდა. 


შეგახსენებთ, რომ გუშინ კორონავირუსი დაუდგინეს ასევე სომხეთის პრემიერ-მინისტრ ნიკოლ ფაშინიანს და მისი ოჯახის ოთხ წევრს, კერძოდ კი მეუღლეს და სამ ქალიშვილს.


Monday, June 1, 2020

“იძულებული გავხდით, წავსულიყავით პოლიტიკაში” - რუსეთის აგენტები და ფაშისტები პარტიას ქმნიან

“იძულებული გავხდით, წავსულიყავით პოლიტიკაში, რათა შექმნას მძლავრი ეროვნული ნაციონალისტური პოლიტიკური ცენტრი “ქართული მარშის” ბაზაზე”, - აღნიშნულის შესახებ ძალადობრივი მოწოდებებით გამორჩეული ნეოფაშისტური და რუსეთიდან მართული ჯგუფის, ქართული მარშის ლიდერმა, სანდრო ბრეგაძემ, "TV პირველის" ეთერში განაცხადა. 


"ჩვენ იძულებული გავხდით, წავსულიყავით პოლიტიკაში, რათა შექმნას მძლავრი ეროვნული ნაციონალისტური პოლიტიკური ცენტრი, ქართული მარშის ბაზაზე. გარდა პოლტიკური პარტიის დაფუძნებისა მიმდინარეობს აქტიური კონსულტაციები ჩვენი იდეოლოგიის მქონდე ძალებთან, რათა შეიქმას პოლიტიკური ცენტრი. პატრიოტთა ალიანსზე ვერ ვიტყვი ამას, მიუხედავად იმისა, რომ გვაქვს მეგობრული ურთიერთობა", - თქვა ბრეგაძემ.


შეგახსენებთ, რომ “ქართული მარშის” შესახებ საუბარია ესტონეთის დაზვერვის ანგარიშში. ჩვენი მეგობარი ქვეყანა რუსეთის აგენტებად მოიხსენიებს “ქართული მარშის” წევრებს: 


“...ორგანიზაცია „ქართული მარში“, რომელიც 2017 წელს დაარსდა და ექსტრემისტულ მოძრაობებს აერთიანებს... მისი მისიაა იმ ღირებულებებისთვის წინააღმდეგობის გაწევა, რომელთაც თითქოს საქართველოს დასავლეთი ახვევს თავს და რომლებიც თითქოს ქართველი ხალხისა და საზოგადოების არსებობას უქმნის საფრთხეს. ეს არის აგრესიული მოძრაობა, რომელიც თავს არ არიდებს ფიზიკურ თავდასხმებს თავის ოპონენტებზე. მისი მიზანია შეირყეს საზოგადოების მხარდაჭერა საქართველოს ევროკავშირსა და ნატოში გაწევრიანების პროცესებისადმი - საგარეო პოლიტიკის, რომელიც, თითქმის 15 წელია, კონსენსუსს ეფუძნება, და გაჩნდეს შიდა დაძაბულობები, საქართველოს საზოგადოების წიაღში მოხდეს კონფლიქტის ესკალაცია“, - ვკითხულობთ ესტონური დაზვერვის ანგარიშში, რომელიც მიმდინარე წელს გამოქვეყნდა.



ილია მეორე: “წმინდა ნინო მიცნობს და მეც ვიცნობ წმინდა ნინოს!”

“წმინდა ნინო მიცნობს და მეც ვიცნობ წმინდა ნინოს” - აღნიშნულის შესახებ კათალიკოს-პატრიარქმა ილია მეორემ ქადაგებისას ისაუბრა.


„შეწყალებად სულთა ჩვენთათვის წმინდა ნინო განსაკუთრებული მფარველია საქართველოსი. დღეს წირვის დროს ისეთი მძიმე იყო, მძიმე კი არა რთული იყო ლოცვა, რომ მეგონა, ვერ შევძლებდი ბოლომდე მიმეყვანა. დიდება უფალს და მადლობა უფალს! მშვიდობით დამთავრდა წირვა და მივიღეთ წმინდა ზიარება. წმინდა ნინო არის მოციქულების ლოცვის გამგრძელებელი. წმინდა ნინო არის საოცარი სასწაულთქმოქმედი. ჩვენ ყველაფერს გვიკეთებს წმინდა ნინო და ჩვენ ვმადლობთ მას. წმინდა ნინოს დღესასწაული ორჯერაა წელიწადში. ერთი ზამთარში და ერთი გაზაფხულზე დიდ ხარ შენ უფალო და საკვირველ არიან საქმენი შენნი! დღეს მთელ საქართველოში აღავლენენ ლოცვებს წმინდა ნინოზე, ჯგუფი წამოვიდა წმინდა ნინოს გზაზე, ღმერთმა მშვიდობით მოიყვანოს. წმინდა ნინო განსაკუთრებით მფარველია.


მე მინდა მოგიყვეთ, გაგახსენოთ ეს შემთხვევა მოხდა ჩვენს ოჯახში. უფროსი ძმა თეიმურაზი იყო ავადმყოფი და იწვა. ოთახში მეტი არავინ არ იყო.


ჩემი ძმა იყო მწოლიარე და მე ვიყავი და თეიმურაზი მეუბნება:


მე: “ირაკლი!”


რა-მეთქი?


შეხედე ვინ მოვიდა ჩვენთანო.


ვინა-მეთქი და წმინდა ნინოო.


წმინდა ნინო მოვიდა ჩვენთანო.


სხვა შემთხვევებიც იყო მრავალი, როდესაც წმინდა ნინო ხილულად გვეხმარებოდა.


ასე რომ, წმინდა ნინო მიცნობს და მეც ვიცნობ წმინდა ნინოს. შეგეწიოთ წმინდა ნინოს ლოცვა-კურთხევა. აი დღეს, როცა ასეთი რთული პერიოდია, როცა უჭირს ხალხს სულიერად, სთხოვეთ: წმინდაო ნინო, მოციქულთასწორო დედაო ნინო, ევედრე ღმერთსა ჩვენთვის. ჩვენთან არს ღმერთი დალოცვილი და გახარებული იყავით, წმინდა ნინო შეგეწიოთ თქვენ და საქართველოს! ამინ!“ - განაცხადა პატრიარქმა.



Sunday, May 31, 2020

დონალდ ტრამპი ანტირასისტული აქციის მონაწილეებს ჩვეულ სტილში, არაკორექტული და მდაბიური სიტყვებით დაემუქრა

ამერიკის შეერთებული შტატების მოქმედი პრეზიდენტი დონალდ ტრამპი მინეაპოლისში რამდენიმე დღის წინ რასისტულ ნიადაგზე მომხდარი საზარელი მკვლელობის გამო თეთრი სახლის წინ გამართულ საპროტესტო აქციას Twitter-ის საკუთარ გვერდზე გამოეხმაურა. ტრამპის განცხადებაში აშკარად იგრძნობოდა ძალიან დიდი ზიზღი და სიძულვილი სამართლიანობისთვის მებრძოლი ადამიანების მიმართ. აქციის ორგანიზება ტრამპმა სავარაუდოდ “ამერიკის დემოკრატიულ პარტიას” დააბრალა, რომლის კანდიდატი ჰილარი კლინტონი მასთან 2016 წელს საპრეზიდენტო არჩევნებში დამარცხდა და პროტესტის მონაწილეებს “მართულები” უწოდა. 


„გუშინ ღამით, ამერიკის შეერთებული შტატების საიდუმლო სამსახურმა თეთრ სახლთან საუცხოოდ შეასრულა დაკისრებული მოვალეობა. საიდუმლო სამსახურის თანამშრომლები არამარტო პროფესიულად, არამედ ძალიან ცივსისხლიანადაც მოქმედებდნენ. თეთრ სახლში ვიმყოფებოდი და მათ მიერ გადადგმულ თითოეულ ნაბიჯს ვაკვირდებოდი. მსურს გითხრათ, რომ არასდროს მიგვრძნია თავი უფრო უსაფრთხოდ და დაცულად. მათ [საიდუმლო სამსახურის თანამშრომლებმა] „პროტესტის მონაწილეებს“ ბღავილის ნება დართეს, თუმცა როგორც კი ვინმე გამყოფ ხაზს მიუახლოვდებოდა, სწრაფად რეაგირებდნენ. წინა ხაზზე საიდუმლო სამსახურის დამწყები აგენტები იდგნენ. პროფესიულად ორგანიზებული დიდი ბრბო შეიკრიბა თეთრ სახლთან, თუმცა ვერავინ გაბედა ახლოს მოსვლა. ეს რომ გაეკეთებინათ, მათ ყველაზე ავი ძაღლებით და ყველაზე საშიში იარაღით მიესალმებოდნენ. სულ მცირე მძიმედ დაშავდებოდნენ [აქციის მონაწილეები]. საიდუმლო სამსახურის აგენტები მზად იყვნენ რეაგირებისთვის. როგორც გუშინ ნახეთ, ისინი ძალიან ცივსისხლიანად და პროფესიულად მოქმედებდნენ. მადლობას ვუხდი მათ!“ - განაცხადა დონალდ ტრამპმა.


რეპერი ჯორჯ ფლოიდი 25 მაისს მოკლეს. სოციალურ ქსელებში გავრცელდა ვიდეო, რომელშიც ნაჩვენებია, თუ როგორ აჭერს პოლიციელი მუხლს ყელზე 46 წლის აფროამერიკელს, რომელიც საარსებო თანხის გამომუშავებას იაფი სიგარეტის არალეგალური გაყიდვით ცდილობდა, რადგან კორონავირუსის გამო სამსახური დაკარგა, ხოლო ახალი სამსახური არაერთი მცდელობის მიუხედავად ვერ იშოვა. კადრში ნათლად ჩანს, თუ როგორ ხრიალებს დაკავებული და ითხოვს, სუნთქვის საშუალება მისცენ.


ჯორჯ ფლოიდის მკვლელობას მძაფრი საპროტესტო აქციები მოჰყვა მთელი შეერთებული შტატების მასშტაბით. 28 მაისს საპროტესტო აქციის მონაწილეებმა მინეაპოლისის პოლიციის შენობა გადაბუგეს, რის შედეგადაც 30 მაისს ფლოიდის საქმეზე დაკავებულ ყოფილ პოლიციელს, რომელიც წარსულში რასისტული დაჯგუფება “კუ-კლუქს-კლანის” წევრი გახლდათ, ბრალი მხოლოდ წინასწარი განზრახვის გარეშე მკვლელობის მუხლით წაუყენეს.



Saturday, May 30, 2020

ინდოეთში მაიმუნებმა კორონავირუსით ინფიცირებულთა ანალიზის სინჯები გაიტაცეს

უტარ-პრადეშის შტატში, რომელიც ინდოეთის ჩრდილოეთში, ნეპალის სიახლოვეს მდებარეობს, მაიმუნები თავს დაესხნენ ადგილობრივი სამედიცინო დაწესებულების წარმომადგენელს და კორონავირუსით ინფიცირებული პაციენტების სისხლის ნიმუშები გაიტაცეს. ინფორმაცია სააგენტო “როიტერსის” მიერ გავრცელდა. 


“როიტერსი” ასევე იუწყება, რომ მაიმუნებმა ლაბორატორიის თანამშრომელზე იერიში მიმდინარე კვირაში მიიტანეს, როცა სამედიცინო სფეროს წარმომადგენელს სინჯები მეერუტის სახელმწიფო კოლეჯში მიჰქონდა.  


გატაცებულია ოთხი ადამიანის სისხლის ნიმუშები, რომლებსაც მედიკოსების ცნობით ანალიზებს განმეორებით აუღებენ. 


თეორიულად სინჯებიდან შესაძლოა მოხდეს მაიმუნების კორონავირუსით დაინფიცირება, მაგრამ როგორც სფეროს სპეციალისტები იუწყებიან, ამის შანსები საკმაოდ მცირეა.




Friday, May 29, 2020

სომხეთში კორონავირუსის მხრივ მდგომარეობა ისევე მძიმეა, როგორც ირანში, რასაც ფაშინიანიც აღიარებს

460 ახალი შემთხვევა და 7 გარდაცვლილი - ეს კორონავირუსის მხოლოდ ბოლო რამდენიმე საათის სტატისტიკაა სომხეთში, რითაც ჩვენმა სამხრეთელმა მეზობელმა გამოვლენილი შემთხვევების საერთო რაოდენობის მიხედვით ერთ მილიონ მოსახლეზე გაანგარიშებით საფრანგეთს და ირანს გაუსწრო. ამის შესახებ დღეს თავად ქვეყნის პრემიერ-მინისტრმა ფაშინიანმა განაცხადა.

“კორონავირუსის გამოვლენილი შემთხვევების მიხედვით 1 მილიონ მოსახლეზე ჩვენ გავუსწარით საფრანგეთსა და ირანს და ფაქტობრივად გავუთანაბრდით რუსეთს“, - სინანულით აღნიშნა ფაშინიანმა ჟურნალისტებისთვის გამართულ ბრიფინგზე.

პრემიერის სიტყვებით, სომხეთმა აღნიშნული ტემპებით სვლა თუ განაგრძო, გამორიცხული არ არის, იტალიასაც კი გაუსწროს, რაშიც ფაშინიანი სომხეთის მოსახლეობას ადანაშაულებს. ფაშინიანი ამბობს, რომ სომხეთის მოსახლეობას თავიდანვე არასერიოზული დამიკიდებულება ჰქონდა კორონავირუსის მიმართ, რამაც არსებული სავალალო ვითარება განაპირობა.



Wednesday, May 27, 2020

ყველაზე შემაძრწუნებელი სტატისტიკა ანუ რა მოხდა მაშინ, როცა შენ სამუშაო დაკარგე

სხვადასხვა მონაცემების თანახმად, კორონავირუსის შედეგად ბოლო ორი თვის მანძილზე დაახლოებით ხუთასმა მილიონმა ადამიანმა პლანეტაზე დაკარგა სამუშაო და სიღარიბის ზღვარს ქვემოთ გადაინაცვლა, თუმცა ამის პარალელურად დედამიწის 25-მა უმდიდრესმა ადამიანმა იგივე პერიოდში 255 მილიარდი დოლარი გამოიმუშავა.

ეს იმდენად საგანგაშო ამბავია, რომ წესით მთელი მსოფლიო ამაზე უნდა საუბრობდეს, მაგრამ ადამიანები გარინდებულები არიან; მათ ასწავლეს, რომ საკუთარ წარმატებასა თუ წარუმატებლობაში მხოლოდ თავად არიან დამნაშავეები. ამიტომ აბსოლუტურად უდრტვინველად შეხვდნენ ქონებრივი უთანასწორობის მორიგ კატასტროფულ ზრდას.

არადა, რეალურად საკუთრივ ადამიანის ბრალეულობა პირად წარუმატებლობაში ყველაზე მცირეა. ადამიანის წარმატებაში ყველაზე დიდ როლს თამაშობს გარემო ფაქტორები და ასევე ის, თუ რამდენად პრივილეგირებულ სოციალურ ჯგუფებს განეკუთვნება ესა თუ ის პიროვნება. დიდი მნიშვნელობა აქვს ასევე იღბალს და გამართლება-არგამართლებას. მილიარდერები საკუთარ ქონებას როგორც საქართველოში, ასევე ამერიკის შეერთებულ შტატებში ათასგვარი უკანონო და არაეთიკური გზით აგროვებენ.

ამბობენ, რომ “ამაზონის” დამფუძნებელი ჯეფ ბეზოსი 2026 წელს პლანეტის პირველი ტრილიონერი გახდება. ბევრი ექსპერტი არ გამორიცხავს ასევე იმასაც, რომ მარკ ცუკერბერგი ბევრად უფრო მალე გახდეს ტრილიონერი (მან ხომ 40 მილიარდი დოლარი გამოიმუშავა მარტსა და აპრილში). და ეს ყველაფერი მოხდება მსოფლიოს მოსახლეობის კიდევ უფრო მეტი გაღატაკების ფონზე.

არადა, ყოველთვის ყველაფერი მთლად ასე ცუდად არ იყო. მე მახსოვს, 90-იანი წლების მიწურულს როგორ დააჯარიმეს ბილ გეითსი, რომლის ქონება მაშინ 100 მილიარდს შეადგენდა. იმ დროს “მაიკროსოფტის” მამას ბრალი ანტიმონოპოლიური კანონის დარღვევაში დასდეს და მისი ქონება მალევე განახევრდა კიდეც, რაც მისასალმებელი იყო. მუშის ოჯახში აღზრდილი დემოკრატი კლინტონის მთავრობა შეაშფოთა ერთი ადამიანის ხელში ასი მილიარდი დოლარის კაპიტალის მოქცევამ, მაგრამ დღეს ჩანს, არავის არაფერი აღარ აშფოთებს. დღეს სამყარო შეიცვალა, მაგრამ არა უკეთესობისკენ.

მე ორი რამ მაინტერესებს ყველაზე უფრო მეტად: როდემდე აპირებთ ქართველები საპატრიარქოს და საეკლესიო პირების პარპაშის ატანას და იმასთან შეგუებას, რომ მღვდლები სულ უფრო მეტ სახელმწიფო სიმდიდრეს ეპატრონებიან და როდემდე აპირებს დედამიწის მოსახლეობა იმის ატანას, რომ სულ რამდენიმე ასეული ადამიანი თანდათან მთელი სამყაროს რესურსებს ეპატრონება? განა რა უნდა იყოს იმაზე უფრო საშინელი დიქტატურა, ვიდრე 1 ტრილიონი დოლარი ერთი ადამიანის ხელში, როცა ნახევარი მილიარდი ადამიანი დღეში 1 დოლარზე ნაკლებს ხარჯავს? ნუთუ არავითარი საღი განსჯის უნარი, არავითარი სოლიდარობა და თანაგრძნობა აღარ შეგვრჩა?! სადამდე შეიძლება ადამიანმა შიმშილი და თავშესაფრის არქონა მოითმინო, როცა სხვები წარმოუდგენელ სიმდიდრესა და ფუფუნებაში ცხოვრობენ?!

საკითხავი აი ეს არის.



Tuesday, May 26, 2020

საგანგაშო სტატისტიკა: საქართველოში ყოველი მეათე ადამიანი შიმშილობს


მაშინ, როცა ქართველი პოლიტიკოსები - როგორც სახელისუფლებო, ასევე არასახელისუფლებო წრეებიდან, დღეს და ღამეს იმაზე ფიქრში ასწორებენ, თუ როგორ ასიამოვნონ მოძალადე და ქართული სახელმწიფოებრივი დამოუკიდებლობის, ჩვენი ქვეყნის პროგრესის და ჩვენი მოქალაქეების თავისუფლების მტერ საეკლესიო პირებს და როგორ გადასცენ მათ რაც შეიძლება მეტი სიმდიდრე და ქონება, იქნება ეს ფული, მიწები, შენობა-ნაგებობები თუ ხე-ტყე, საქართველოს მოსახლეობა შიმშილობს ამ სიტყვის პირდაპირი გაგებით. ანუ დღეს, 2020 წელს, ჩვენ გვყავს ჩვენი მოსახლეობის სულ მცირე 10 % მაინც (ანუ ყოველი მეათე ქართველი), რომელიც ვერ იღებს არსებობისთვის საჭირო ყოველდღიურ კალორიებს და ეს ხდება იმ პირობებში, როცა ამერიკის შეერთებული შტატების მხრიდან ჩვენთვის გაწეული დახმარება 5 მილიარდ დოლარს გადასცდა დამოუკიდებლობის მოპოვების შემდეგ და ასევე მილიარდებს ითვლის ევროკავშირის, მსოფლიო სავალუტო ფონდის და მსოფლიო ბანკის მიერ გაწეული დახმარებებიც.
საქართველოში მოშიმშილეთა რაოდენობა მკვეთრად აჭარბებს ყველა მეზობელ სახელმწიფოში მყოფ მოშიმშილეთა რაოდენობას. 100 ათას სულ მოსახლეზე გაანგარიშებით ჩვენ დაახლოებით ორნახევარჯერ უფრო მეტი მოშიმშილე გვყავს, ვიდრე სომხეთს, რომლის ეკონომიკა მკვეთრად ჩამორჩება ჩვენსას და ხუთჯერ უფრო მეტი, ვიდრე აზერბაიჯანს, რომლის ეკონომიკა თითქმის საქართველოს დონეზეა.


ამ საგანგაშო მონაცემების უკან დგას ის ფაქტი, რომ ჩვენ სახელმწიფო მოხელეების, საეკლესიო პირების, საზოგადოებრივი მაუწყებლის და სპორტის შენახვა გვიჯდება ძალიან ძვირი, შეუსაბამოდ ძვირი ჩვენს შესაძლებლობებთან. რომ არა ამხელა შეუსაბამობა და ფულის ფლანგვა სისულელეებში, სახელმწიფო ბიუჯეტიდან წელიწადში სულ მცირე 1,3 მილიარდი ლარის ეკონომიას გავაკეთებდით, რაც აღმოფხვრიდა სიღატაკეს და საქართველოში ეს სამარცხვინო მოვლენა, შიმშილი აღარ იარსებებდა. ჩვენ დღეს წლიურად 210 მილიონ ლარს მხოლოდ ფეხბურთის ფედერაციას ვურიცხავთ. 58 მილიონს ვურიცხავთ საპატრიარქოს, 52 მილიონს ვურიცხავთ საზოგადოებრივ მაუწყებელს და მილიონებს ისეთ უსარგებლო სახელმწიფო უწყებებს, როგორიც მაგ. ჰერალდიკის დამდგენი სახელმწიფო კომისიაა. ამის შედეგად ადამიანები შიმშილობენ. ჰოდა, სირცხვილი ყველას, ვინც ამას ითმენთ.

Monday, May 25, 2020

სომხური კატასტროფა ახალ ფაზაში გადავიდა: 452 ინფიცირებული ერთ დღე-ღამეში

სომხეთში უკანანასკნელი 24 საათის მანძილზე კორონავირუსი 452 ადამიანს დაუდგინეს, რითაც COVID-19-ის დადასტურებულ შემთხვევათა საერთო რაოდენობა 7113-მდე გაიზარდა.
ამჟამად სტაციონარში მკურნალობის აქტიური რეჟიმით 3842 პაციენტი სარგებლობს, ხოლო 87 უკვე გარდაიცვალა.
მდგომარეობა განსაკუთრებით საგანგაშოა იქიდან გამომდინარე, რომ სომხეთი არასწორად აღნუსხავს გარდაცვლილი პაციენტების რაოდენობას და ისინი, ვისაც თანმხლები მძიმე და ქრონიკული დაავადებები ჰქონდათ, მაგრამ კორონავირუსით გარდაიცვალნენ, საერთო სტატისტიკაში ვერ ხვდებიან. არადა, COVID-19-ით გარდაცვლილი მსგავსი პაციენტების რიცხვი სერიოზულია.
მიუხედავად კატასტროფული მდგომარეობისა, სომხეთში გარკვეული ტიპის შეზღუდვები ხელახლა მოხსნეს. მოძრაობს საზოგადოებრივი ტრანსპორტი, ფუნქციონირებს ყველა დიდი სავაჭრო ცენტრი და მუშაობას არ წყვეტენ კაფეები, რესტორნები და საზოგადოებრივი კვების სხვა დაწესებულებები.


Sunday, May 24, 2020

რატომ არის ილია მეორე ცუდი ადამიანი?

მიუხედავად იმისა, რომ ათეისტი ვარ, ჩემი თვითმიზანი არასოდეს მორწმუნე ქრისტიანების დევნა და მათ წინააღმდეგ გალაშქრება არ ყოფილა. ადამიანია, აქვს მრწამსი, შეიძლება, ძალიან არასწორიც, მაგრამ ეს არ მაძლევს უფლებას, რომ მე ის მძულდეს. გაუნათლებელი ადამიანების სიძულვილი, მხოლოდ იმიტომ, რომ ეს ადამიანები გაუნათლებლები არიან, არ შეიძლება. ყველა გაუნათლებელი ადამიანი არ არის მოძალადე და მკვლელი. არსებობენ კეთილი გაუნათლებელი ადამიანებიც. გარდა ამისა, საქართველოს ისტორია ხომ სავსეა ქრისტიანი გმირების თავგანწირვის გასაოცარი მაგალითებით, რის გამოც მე ეს გმირები მიყვარს და მათ ხსოვნას ვეთაყვანები.
მაგრამ ილია მეორე აშკარად არ მიეკუთვნება მათ რიცხვს. გარდა იმ ბრალდებებისა, რაც მის წინააღმდეგ ბოლო დროს გაჟღერდა, რითაც ის მამაკაცებზე სექსუალურ ძალადობაში იქნა მხილებული, პატრიარქი არის პუტინის ღია მიმდევარი, იმ პუტინის, რომელმაც ანწუხელიძე აწამა და რომელმაც ჩვენი ტერიტორიების 20 %-ის ოკუპირება მოახდინა. საქართველოს ასეთ შემზარავ მტერს ილია მეორემ არაერთგზის “თბილი ადამიანი” უწოდა და პოზიტიურად მოიხსენია ის.
წარმოიდგინეთ, რა მოხდებოდა, ისრაელის მთავარ რაბინს ადოლფ ჰიტლერზე რომ ეთქვა, თბილი ადამიანი არისო.
გარდა ამისა, ილია მეორე არის ასევე სტალინის მიმდევარი. მან თქვა, რომ როცა სტალინი - ეს უსაზარლესი მონსტრი, დაიღუპა, იტირა.
ილია მეორე აკეთებს ჰომოფობიურ განცხადებებს, იცავს ქალებზე მოძალადე მამაკაცებს, ხოლო 2013 წელს, როცა თბილისში წყალდიდობა იყო და უამრავი ადამიანი, მათ შორის კი სიცოცხლეს მოწყურებული ახალგაზრდა გოგონები დაიღუპნენ, თქვა, რომ დაღუპულები იმსახურებდნენ წყალდიდობას და სიკვდილს.
საპატრიარქო არაერთგზის დაუპირისპირდა ანტიდისკრიმინაციულ კანონს, რის საფუძველზეც მოგვცეს უვიზო მიმოსვლა ევროკავშირთან. ხოლო 2012 წელს, როცა ციხის წამების შემზარავი კადრები გამომზეურდა, ილია მეორემ თქვა, რომ “მსგავსი რაღაც ყველა ქვეყანაში ხდება” და მრევლს სიმშვიდისა და ხელისუფლების წინაშე მორჩილებისკენ მოუწოდა.
ილია მეორე ყოველთვის ღიად უჭერდა მხარს ასევე საქართველოს გმირი პრეზიდენტის - ზვიად გამსახურდიას დამხობას და იმ კატასტროფას, რამაც სოციალისტურ ბანაკში ერთ დროს არცთუ ძალიან ცუდი ეკონომიკური მაჩვენებლების მქონე რესპუბლიკა სისხლიან სამოქალაქო ომში ჩაძირა და 90-იანი წლების სიდუხჭირე გამოიწვია. ილია მეორე თავად არის პუტჩისტი და მან არართგზის შეაქო ჯაბა იოსელიანი, თენგიზ სიგუა და თენგიზ კიტოვანი.
მოკლედ, პატრიარქი არის ყოვლად უკეთური და ზნედაცემული ადამიანი, რომლის დანაშაულებათა ჩამოთვლა ჩვენ ძალიან შორს წაგვიყვანს. მე სწორედ ამის გამო ვუპირისპირდები და ვამხელ მას და არა რაიმე პირადი წყენის ან იმის გამო, რომ მე ათეისტი ვარ, ხოლო ილია მეორე არის ქრისტიანი. ეს აბსოლუტურად არაფერ შუაშია. უფრო მეტიც: მე კატეგორიული წინააღმდეგი ვარ ვინმეს აუგად მოხსენიების და დისკრიმინაციის რელიგიური ნიშნით.
წარსულში საქართველოს ხელისუფლება ხშირად უპირისპირდებოდა სამღვდელოებას. ასე მოიქცა მაგალითად დავით აღმაშენებელი, როცა რუის-ურბნისის საეკლესიო კრება ჩაატარა და ასევე მოიქცა ვახტანგ გორგასალი, რომელმაც მოღალატე ეპისკოპოსი მიქაელი განდევნა. რასაკვირველია, ამის გამო დავითი და ვახტანგი არც მასონები იყვნენ, არც საქართველოს მტრები და არც ეშმაკით შეპყრობილები. მათ ხსოვნას ადიდებს ქართველი ხალხი, მიუხედავად იმისა, რომ მათ თანამედროვე საეკლესიო პირებს ორივე ეს მეფე სძულდათ და დამიჯერეთ, ყველას, ვინც დღეს ილია მეორეს და მის ტირანიას უპირისპირდება, ანალოგიურად განადიდებენ მომავალი თაობები.
ანაფორა და მკერდზე ჩამოკიდებული ჯვარი არ არის ხელშეუხებლობის გარანტი. როცა ვინმე დამნაშავეა, მასზე ღიად უნდა ვისაუბროთ, მიუხედავად იმისა, საეკლესიო პირია ის თუ არა. ხოლო ილია მეორე დამნაშავეა. ამიტომ მასთან თანამშრომლობა, მისი განდიდება და მისი კრიტიკისგან თავის შეკავება, რასაც აკეთებს საქართველოს ოპოზიცია და ხელისუფლება, არის გულისამრევი და ამაზრზენი. ამაზრზენია პუტინის მხარდამჭერს რომ საერთოდ ვინმე უსმენს საქართველოში.
ქართველებს მოგიწოდებთ, გამოფხიზლდეთ. თორემ ეს მტაცებელი საეკლესიო პირები მთელ ქვეყანას დაეპატრონებიან და თქვენ მონებად გადაგაქცევენ. ამიტომ დროზე ხმა ამოიღეთ და სამარცხვინოდ ნუ დუმხართ.


სომხური კატასტროფის ახალი დეტალები: 359 დაინფიცირებული უკანასკნელ დღე-ღამეში

უკანასნელი 24 საათის მანძილზე სომხეთში კორონავირუსის 359 ახალი შემთხვევა გამოვლინდა, რითაც COVID-19-ის ოფიციალურად დადასტურებულ შემთხვევათა ჯამური რაოდენობა უკვე 6661-ს აღწევს. გარდაცვლილია 81 ადამიანი.
კორონავირუსზე მკურნალობას სომხეთში ამჟამად 3257 პირი გადის, თუმცა ექსპერტები ფიქრობენ, რომ ეს ჯერ მხოლოდ დასაწყისია და აქტიურ შემთხვევათა რაოდენობა კიდევ უფრო გაიზრდება, რისი მიზეზიც ეპიდემიის გავრცელებაზე სომხეთის ხელისუფლების დაგვიანებული და არაადეკვატური რეაქციაა.


Wednesday, May 20, 2020

კორონავირუსის კატასტროფა დაღესტანში: 13 000 ინფიცირებული და 657 გარდაცვლილი

კრემლის მიერ გამოქვეყნებული ოფიციალური სტატისტიკის თანახმად, გუშინ დაღესტანი 3553 კოვიდინფიცირებულით და 32 გარდაცვლილით რუსეთის 85 რეგიონიდან მე-5 ადგილს იკავებდა. მაგრამ ჯერ კიდევ ორი დღით ადრე რესპუბლიკის ჯანდაცვის მინისტრმა ინსტაგრამის მეშვეობით ადგილობრივ ჟურნალისტთან საუბრისას განაცხადა, რომ კორონავირუსით დაავადებული ადამიანების საერთო რიცხვი დაღესტანში 13 ათასს, ხოლო გარდაცვლილთა რაოდენობა 657-ს შეადგენდა. ამის შესახებ “სი ენ ენი” იუწყება.
იმის თაობაზე, რომ დაღესტანში COVID-19-ის გავრცელების მხრივ ძალიან რთული ვითარებაა, ჩვენი მეზობელი ავტონომიური რესპუბლიკის მუფტის რუსეთის პრეზიდენტ, ვლადიმრ პუტინთან საუბარიც მოწმობს. მუფტი აღწერს იმ უმძიმეს ვითარებას, რაც კორონავირუსის მხრივ დაღესტანში არის შექმნილი.
მთლიანად რუსეთში ბოლო 24 საათის მანძილზე ოფიციალური ინფორმაციით კორონავირუსის 8774 აქტიური შემთხვევა გამოვლინდა, რითაც ჩვენი ჩრდილოელი მეზობელი მე-2 ადგილზეა გასული მსოფლიოში აშშ-ს შემდეგ.
რუსეთი მსოფლიოში მეორე ადგილზეა ასევე კორონავირუსით ინფიცირებულთა საერთო რაოდენობითაც, რაც უკვე 308 705 აქტიურ შემთხვევას შეადგენს.




Tuesday, May 19, 2020

სალომე ზურაბიშვილი აცხადებს, რომ მისთვის ეკლესიის პოზიცია ვაქცინებთან დაკავშირებით მიუღებელია



პრეზიდენტმა სალომე ზურაბიშვილმა ტელეკომპანია “რუსთავი 2”-ის ეთერში სამღვდელოების შესახებ ისაუბრა და განაცხადა, რომ დიდი პატივისცემის მიუხედავად, ეკლესიის იმ წარმომადგენლების მოსაზრება, რომლებიც ეწინააღმდეგებიან ვაქცინაციას, მისთვის მიუღებელია.
სალომე ზურაბიშვილმა ეკლესიის წარმომადგენლების მხრიდან ვაქცინაციის საწინააღმდეგოდ გაკეთებულ განცხადებებს სახელმწიფო საქმეებში ჩარევა უწოდა.
“მე ძალიან დიდ პატივს ვცემ ასევე ეკლესიას და არამხოლოდ პატრიარქს და ინსტიტუტს, ეს გამოჩნდა არაერთხელ. მაგრამ აქაც ყველაფერში არ ვეთანხმები. მაგალითად, არ ვეთანხმები დღეს იმაში, რაც ჩემთვის არის სრულიად მიუღებელი, რომ ეკლესიიდან ზოგმა გამოთქვა აზრი, რომ შეიძლება ცუდი იყოს ვაქცინები კოვიდის პანდემიის წინააღმდეგ, რომ არავითარ შემთხვევაში ეს არ უნდა იყოს სავალდებულო. ჯერ ერთი, აბსურდია, ვაქცინა ჯერ არ არსებობს, არ ვიცით, რამდენად ხელმისაწვდომი იქნება საქართველოსთვის.
ეს უკვე არის ჩარევა იმაში, რაც არის საერო საქმეები და ჯანდაცვის კომპეტენცია და ამას შეიძლება ჰქონდეს ძალიან მძიმე შედეგები იმიტომ, რომ ისედაც არის გავრცელებული მოსახლეობაში ფეიკ ნიუსების ფორმით, რომ საერთოდ აცრები არის პრობლემატური, რომ ლუგარის ცენტრი არის მავნებელი, რომელმაც რეალურად გადაგვარჩინა ამ სიტუაციაში. ეს არის პირდაპირ დარტყმა საქართველოს დემოგრაფიაზე და ვინმე ამას თუ ვერ ხედავს, დრო არის, გონს მოვეგოთ”, – განაცხადა პრეზიდენტმა.
ზურაბიშვილმა ასევე ისაუბრა კონკორდატზე და თქვა, რომ თავად მართალია, არის მისი დაცვის გარანტორი, თუმცა გარკვეულ შემთხვევებში სინოდის რეკომენდაციებს არ ითვალისწინებს და თუ ეკლესია სახელმწიფო საქმეებში ჩაერევა, ამას აუცილებლად იტყვის.
აღნიშნულთან დაკავშირებით ჯერჯერობით უცნობია საპატრიარქოს ოფიციალური პოზიცია. სამღვდელოების წარმომადგენლებს პრეზიდენტის განცხადებაზე საკუთარი აზრი არ დაუფიქსირებიათ. მაგრამ წარსული გამოცდილებიდან გამომდინარე შეგვიძლია ვთქვათ, რომ მათ არ მოეწონებოდათ სალომე ზურაბიშვილის განცხადება. საპატრიარქოს და სინოდს მხოლოდ ძალაუფლება აინტერესებს, მათ შორის ხშირად საქართველოს მოსახლეობის ჯანმრთელობის და სიცოცხლის ხარჯზე. ამიტომ ძალიან მნიშვნელოვანია, რომ პრეზიდენტმა გაბედა და ეკლესიას მკაცრად მიუთითა, რომ არ ჩაერიოს ჯანდაცვის საკითხებში. ეს უაღრესად დადებითი საქციელია. ბოლოსდაბოლოს, ვინმე წინ უნდა აღუდგეს ეკლესიის თვითნებობას, თორემ დავიღუპებით.


რუსეთში კორონავირუსით დაავადებულთა რიცხვმა 300 ათასს მიაღწია

კრემლის მიერ შექმნილი ვებგვერდის მეშვეობით გავრცელებულ ოფიციალურ სტატისტიკას თუ ვენდობით, რუსეთის ფედერაციაში კორონავირუსით ინფიცირების 299 941 შემთხვევაა გამოვლენილი.
რუსული წყაროს ინფორმაციით, გარდაიცვალა 2837 პაციენტი, ხოლო 76 130 - გამოჯანმრთელდა.
საგანგაშო და უკონტროლო ვითარების მიუხედავად, პუტინის ხელისუფლება საკარანტინე ზომების შერბილებას ცდილობს, მაგრამ ეს არ ეხება მოსკოვს, სადაც მკაცრი შეზღუდვები ძალაში რჩება. კერძოდ, მოსახლეობა ვალდებულია, შინიდან გასასვლელად ციფრული საშვი იქონიოს.
დასავლეთში ბევრს საუბრობენ იმაზე, რომ კრემლის მიერ გავრცელებული ოფიციალური სტატისტიკა გაყალბებულია და რეალურად რუსეთში COVID-19-ით როგორც დაავადებულთა, ასევე გარდაცვლილთა რაოდენობა გაცილებით უფრო დიდია, რასაც პუტინის ხელისუფლება კატეგორიულად უარყოფს.


ბრაზილიური ტრაგედია: მეოთხე ადგილი მსოფლიოში კორონავირუსის გავრცელების მხრივ

ბრაზილიამ ბოლო დღეების მანძილზე კორონავირუსით ინფიცირების მხრივ იტალიას და დიდ ბრიტანეთს გაუსწრო და მსოფლიოში მეოთხე ადგილზე გავიდა.
აღნიშნულ ლათინოამერიკულ ქვეყანაში 15 მაისს ყველასთვის სრულიად მოულოდნელად COVID-19-ის 15 305 ახალი შემთხვევა გამოვლინდა, რითაც დაავადებულთა საერთო რიცხვმა 235 ათასს გადააჭარბა. 15 ათასამდე იყო აქტიურ შემთხვევათა საერთო რაოდენობა 16 მაისსაც, ხოლო 17 მაისს მკვეთრად დაიკლო და 8000-ს მიუახლოვდა. 
თუმცა, ეს მხოლოდ ოფიციალური სტატისტიკაა. როგორც სპეციალისტები საუბრობენ, დაავადებულთა რიცხვი რეალურად გაცილებით უფრო მეტია, რისი გამოვლენა სუსტად განვითარებული ქვეყნის მწირი საკვლევი შესაძლებლობებით რთული განსახორციელებელია.
დაინფიცირების შემთხვევათა სწრაფი მატების გამო ჯანდაცვის მსოფლიო ორგანიზაციამ ამერიკა კორონავირუსის პანდემიის ახალ მსოფლიო ცენტრად გამოაცხადა.


საქართველოში ბოლო 24 საათში კორონავირუსის მხოლოდ ერთი შემთხვევა გამოვლინდა

დაავადებათა კონტროლის ეროვნული ცენტრის ცნობით, უკანასკნელ დღე-ღამეში კორონავირუსის მხოლოდ ერთი ახალი შემთხვევა გამოვლინდა, რითაც ინფიცირებულთა საერთო რაოდენობამ 702-ს მიაღწია.
ბოლო 24 საათში კორონავირუსისგან 24 ადამიანი განიკურნა, რითაც განკურნებულთა საერთო რაოდენობამ 456-ს მიაღწია.


Monday, May 18, 2020

ჩინეთში 110 მილიონი ადამიანი კარანტინში ხელახლა მოაქციეს

ჩინეთის პროვინცია გირინში 110 მილიონი ადამიანი კარანტინში ხელახლა მოაქციეს, რათა კორონავირუსის განმეორებითი აფეთქება აიცილონ თავიდან. აღნიშნულის შესახებ გამოცემა “ბლუმბერგი” იუწყება.
პროვინციაში ბოლო დროს კორონავირუსის შემთხვევების რაოდენობამ იმატა. გამოვლინდა 34 დაინფიცირებული პირი. საუბარია ეპიდემიის გავრცელების ე. წ. მეორე ტალღაზე და ხელისუფლება შიშობს, რომ პროცესებმა შეიძლება უმართავი ხასიათი შეიძინოს.
გირინში აიკრძალა საზოგადოებრივი ტრანსპორტით მგზავრობა და დაიხურა სკოლები. ზოგ ადგილას, სადაც ვირუსის გავრცელება პიკს აღწევს, მოსახლეობას მხოლოდ 2 საათით შეუძლია საცხოვრებელი სახლის დატოვება, რათა საკვები პროდუქტები შეიძინოს.
კორონავირუსის ახალი შემთხვევები სავარაუდოდ რუსეთიდან დაბრუნებულ მოქალაქეებთან არის კავშირში. როგორც ფიქრობენ, სწორედ რუსეთიდან აგორდა ჩინეთში დაავადების გავრცელების მეორე ტალღა.


კორონავირუსი რუსეთში: ეკონომიკური ვარდნა და 9000 ახალი შემთხვევა უკანასკნელ დღე-ღამეში


რუსეთში ბოლო 24 საათის მანძილზე კორონავირუსის 8926 ახალი შემთხვევა დაფიქსირდა. აღნიშნულის შესახებ “ბი ბი სის” რუსული სამსახური ოფიციალურ წყაროებზე დაყრდნობით იუწყება.
“ბი ბი სის” ცნობითვე, ბოლო 2 თვის მანძილზე 16 % არის შემცირებული საბიუჯეტო შემოსავლები მოსკოვში. დაახლოებით ანალოგიურია კლება ასევე მოსახლეობის შემოსავლების მხრივ, თუმცა ექსპერტები ვარაუდობენ, რომ ივლისში სიტუაცია გაცილებით უფრო მძიმე იქნება, ხოლო წლის ბოლოს მთლიანი შიდა პროდუქტის 45 %-მდე ვარდნაა ნავარაუდევი.
რუსეთში მთლიანი შიდა პროდუქტი ერთ სულზე გაანგარიშებით ბოლო ათწლეულში ყველაზე დაბალი 2016 წელს იყო - 8757 დოლარი, მაგრამ თუ ექსპერტების პროგნოზი გამართლდა, პუტინის ეკონომიკა დეკემბრამდე ანტირეკორდს მოხსნის და 2005 წლის დონეს გაუთანაბრდება, როცა მშპ ერთ სულზე გაანგარიშებით 5323 დოლარს შეადგენდა. შედეგად საქართველო რუსეთს ისტორიაში პირველად უკვე მომავალი წლიდან გაუსწრებს, რადგან ეკონომიკური ვარდნა ჩვენთან წელს მინუს 4 %-ზე ნაკლები არ იქნება, რასაც ევროკავშირის და აშშ-ს დახმარებით თავისუფლად დავძლევთ.
თუ დავიცავთ დემოკრატიულ სტანდარტებს, გავითვალისწინებთ ჩვენი მეგობარი და პარტნიორი ქვეყნების რეკომენდაციებს ადამიანის უფლებების კუთხით, დავრჩებით შინ და მაქსიმალური სიფრთხილით ვიმოქმედებთ კორონავირუსთან დაკავშირებით, სერიოზული პრობლემები და ეკონომიკური სირთულეები არ გვემუქრება.
აღსანიშნავია, რომ მოსკოვის ოლქში კორონავირუსით 2000 მედიკოსი დაავადდა, საიდანაც 16 უკვე გარდაიცვალა.
მთლიანობაში რუსეთი კორონავირუსით დაავადების 290 678 შემთხვევით მსოფლიოში უკვე მეორე ადგილზეა აშშ-ს შემდეგ.

სომხური კატასტროფა: კორონავირუსის 351 შემთხვევა ბოლო 24 საათში

საქართველოს მეზობელ სომხეთში უკანასკნელი 24 საათის მანძილზე კორონავირუსი 351 ადამიანს დაუდასტურდა. აღნიშნულის შესახებ ადგილობრივი გამოცემა civilnet.am იუწყება.
შედეგად კორონავირუსის დადასტურებულ შემთხვევათა საერთო რაოდენობა სომხეთში 4823 გახდა.
civilnet.am ასევე იუწყება, რომ ბოლო დღე-ღამეში გამოჯანმრთელდა 94 პაციენტი, ხოლო ერთი - გარდაიცვალა.


Thursday, May 14, 2020

რატომ არის ჰომოფობია სახიფათო თითოეული ადამიანისთვის?


თუ იდიოტი არ ხარ, ჰომოფობი ვერ იქნები, რადგან ჰომოფობია არ ერჩის მხოლოდ გეებს, ბისექსუალებს ან ტრანსებს. ჰომოფობია ერჩის თითოეულ ჩვენთაგანს. თითოეულ ადამიანს. ეს ტოტალიტარიზმის მსგავსი, შხამიანი და აუტანელი რაღაც არის, რომლის მსხვერპლი ნებისმიერ დროს შეიძლება აღმოჩნდეს ნებისმიერი ჩვენთაგანი, საზოგადოების თითოეული წევრი.
ამასთან დაკავშირებით ერთი ისტორიის გახსენება მსურს: 2000-იანი წლების დასაწყისი იყო, როცა უნივერსიტეტში, საერთაშორისო სამართლის ფაკულტეტზე სწავლა დავიწყე. ვაკეში, პირველ კორპუსში ვსწავლობდი და ავლაბარში ვცხოვრობდი. მატერიალურად მიჭირდა და ყოველთვის არ მქონდა 50 თეთრი, რომ სამარშუტო ტაქსის მძღოლისთვის მიმეცა და პირველი კორპუსიდან პირდაპირ მელიქიშვილის პროსპექტის გავლით ავლაბარში მოვხვედრილიყავი. ამიტომ ვერის დაღმართზე ჩავლა და ზოოპარკთან ავტობუსისთვის მოცდა ხშირად მიხდებოდა. ლექციები გვიან მიმთავრდებოდა და ხშირად გვიან საღამოს ვიდექი ავტობუსის გაჩერებასთან. თავს ვუვლიდი, მიმზიდველი გარეგნობა მქონდა, ხოლო ჩემი IQ-ს წყალობით მეტისმეტად მასკულინური ჩვევებითაც არ გამოვირჩეოდი, რის გამოც პოლიციის ყურადღების ცენტრში მოვექეცი. ერთ საღამოს პოლიციელებმა შემამოწმეს და რა ლამაზი ბიჭი ხარ, ამ შებინდებულზე აქ რა გინდა, გეი ხომ არ ხარო, მკითხეს. მე ვუთხარი, გეი არ ვარ-მეთქი, რაც აბსოლუტური სიმართლეა, რადგან ჰეტეროსექსუალი ვარ და ქალები მიყვარს. არ დამიჯერეს, ხოლო როცა მეორედ კიდევ დამინახეს, მანქანაში ჩემი ჩატენვა და ჭკუის სასწავლებლად ჩემი ცემა სურდათ. გამვლელები მოგროვდნენ და მათ გადამარჩინეს, თორემ მართლა არ ვიცი, რა დამემართებოდა.
სწორედ მაშინ მივხვდი, რომ მიუხედავად შენი სექსუალური ორიენტაციისა, ჰომოფობიამ უცებ შეიძლება ისე გაგსრისოს, რომ აზრზეც ვერ მოხვიდე, რა დაგემართა. ამიტომ ამ ურჩხულის წინააღმდეგ ბრძოლა გადავწყვიტე და 2013 წელს 17 მაისის აქციაზეც გავედი, როგორც ლგბტ თემის მხარდამჭერი და ანტიჰომოფობიური შინაარსის მქონე პოსტები და ვიდეომიმართვებიც გავავრცელე ინტერნეტით. ამის გამო ჩემს ირგვლივ ძალიან ბევრი ადამიანი “დარწმუნდა”, რომ ვარ გეი, ხოლო მას შემდეგ, რაც პირსინგი გავიკეთე, ამაში ეჭვიც აღარ ეპარება არავის: ყველასთვის მე გეი ვარ, მიუხედავად იმისა, რომ საერთოდ არ ვარ. გეი რა შუაშია, მე უბრალოდ, ცოტა არ იყოს, შორს ვიყურები და ვაცნობიერებ იმ საფრთხეებს, რასაც დაბალი თვითშეგნების მქონე ადამიანი ვერასოდეს ვერ გააცნობიერებს. ხოლო პირსინგი იმიტომ მიკეთია, რომ ქალებს ეს მოსწონთ. ზოგადად, ქალებს მოსწონთ, როცა თავს უვლი და კარგად გამოიყურები, ჰომოფობია კი გაიძულებს, რომ კარგად არ გამოიყურებოდე. საქართველოში ჰეტეროსექსუალი მამაკაცების უდიდეს ნაწილს ჰომოფობიის გამო ჯოჯოხეთური ცხოვრება აქვს: მათ გამუდმებით უწევთ იმის მტკიცება, რომ გეები არ არიან. შესაბამისად, არ უვლიან თავს, ასდით სუნი, მოშვებული აქვთ დაუბანელი წვერი, იგინებიან, არიან აგრესიულები და ძველბიჭობენ ან მკერდზე უზარმაზარი ჯვრებით დადიან, მიუხედავად იმისა, რომ სულაც არ მოსწონთ არც გინება, არც ძველბიჭობა, არც ის, რომ სუნი ასდით და არც უზარმაზარი ჯვრები მკერდზე. ჰეტეროსექსუალ მამაკაცებს, რომლებსაც გამუდმებით იმის მტკიცება უწევთ, რომ გეები არ არიან, ქალები კარგი თვალით არ უყურებენ. ქალებისთვის ისინი მიმზიდველები არ არიან, რადგან არცერთ ქალს არ სურს აგრესიულ და აყროლებულ დებილთან სექსი. შესაბამისად, ქართველი ჰეტერო მამაკაცები ან გამუდმებით მასტურბირებენ, ან კიდევ, სექსმუშაკებთან დადიან და სიყვარული და ალერსი უცხოა მათთვის. სწორედ ეს არის ჯოჯოხეთი და ამ ჯოჯოხეთის მიზეზი ჰომოფობიაა, რასაც ქართული ეკლესია აღვივებს. ჩვენ დღეს დიქტატურაში და ჯოჯოხეთში ვცხოვრობთ. ჩვენი ცხოვრება დღეს აუტანელია, რაც ეკლესიის და პატრიარქ ილია მეორის ბრალია.
ამიტომ ყველას მოგიწოდებთ, ერთად დავგმოთ ჰომოფობია. მნიშვნელობა არ აქვს, თუ რა ორიენტაციის ხარ. ადრე თუ გვიან ჰომოფობიის აქლემი შენს კართანაც დაიჩოქებს. ეს გახსოვდეთ ყოველთვის, როცა Facebook-ზე მორიგ სულელურ პოსტს გამოაცხობთ გეების შესახებ. ლგბტ ადამიანთა უფლებები ნებისმიერი ჩვენთაგანის უფლებებია. სრული ბრიყვი და დოყლაპია უნდა იყო, ამას რომ ვერ ხვდებოდე.

Tuesday, May 12, 2020

მამაკაცი, რომელმაც კორონავირუსის საწინააღმდეგო ზომებს “სისულელე” უწოდა, COVID-19-ით გარდაიცვალა


ამერიკის შტატ ოჰაიოში მცხოვრები 60 წლის ჯონ მაკდანიელი 15 აპრილს საავადმყოფოში გარდაიცვალა.
როგორც მედიასაშუალებები იუწყებიან, მას COVID-19-ის სიმპტომები მარტის ბოლოს აღმოაჩნდა.
ჯონი კორონავირუსის შესახებ შეთქმულების თეორიების თავგამოდებული მიმდევარი იყო და მომაკვდინებელ ვირუსს “ლიბერალების მიერ მოჩმახულ სისულელეს” უწოდებდა.
“ხომ არ გაგიჟდნენ, როგორ შეიძლება ბარების და რესტორნების დაკეტვა?” - განაცხადა ჯონ მაკდანიელმა მშობლიურ ოჰაიოში საკარანტინე ზომების შემოღების შემდეგ.


ერთ-ერთ თავის პოსტში გარდაცვლილმა ისიც დაწერა, რომ კორონავირუსი “პოლიტიკური ტრიუკი” იყო და იკითხა, ხომ არ ჰქონდა ვინმეს იმის “გამბედაობა”, რომ ეს “ხმამაღლა ეთქვა”.
აღსანიშნავია, რომ სწორედ ოჰაიოში შეიკრიბა ყველაზე მეტი დემონსტრანტი კორონავირუსის საწინააღმდეგო შეზღუდვების გასაპროტესტებლად. ხოლო შტატის სენატორობის კანდიდატმა, მელისა აკინსონმა პანდემიის საწინააღმდეგო ზომებს “არაკონსტიტუციური ტირანია” უწოდა.
კორონავირუსის წინააღმდეგ ტრამპის ხელისუფლების მიერ დაგვიანებული და არაეფექტური ზომების გატარების გამო შეერთებულ შტატებში COVID-19-ით 1 408 636 ადამიანია დაავადებული, საიდანაც 83 425 უკვე გარდაიცვალა.



COVID-19: რას ნიშნავს, როცა გამოჯანმრთელებულთა რაოდენობა ინფიცირების შემთხვევას 32-ჯერ აჭარბებს?


საქართველოში ბოლო 24 საათის მანძილზე გამოჯანმრთელებულთა რიცხვი კიდევ 32-ით გაიზარდა და 349-ს შეადგენს, ხოლო ვირუსი გამოუვლინდა მხოლოდ 1 ადამიანს. აღნიშნულის შესახებ ინფორმაციას stopcov.ge ავრცელებს.
ჯამში მათი საერთო რაოდენობა, ვინც ვირუსით დაავადდა, 639-ს შეადგენს.
როგორც ინფექციური საავადმყოფოს ხელმძღვანელი, მარინა ეზუგბაია ამბობს, ახალ პაციენტს მხოლოდ 4 კონტაქტი უფიქსირდება, რომლებსაც ვირუსზე აქტიურად იკვლევენ. თუმცა უცნობია, თუ ვისგან გადაედო საკუთრივ ამ ადამიანს კორონავირუსი.
ამჟამად მთელი ჩვენი ქვეყნის მასშტაბით კარანტინში რჩება სულ 4769 ადამიანი, ხოლო სტაციონარულ მკურნალობას 414 გადის. გარდაიცვალა 11 პირი.
ბოლო 24 საათის მანძილზე გამოვლენილი მხოლოდ ერთი დაავადების ახალი შემთხვევა და გამოჯანმრთელების 32 შემთხვევა იმაზე მეტყველებს, რომ კორონავირუსს ვამარცხებთ, მაგრამ მდგომარეობა ძალიან სწრაფად შეიცვლება უარესობისკენ, თუ მოვდუნდით და ყველაფერი თვითდინებაზე მივუშვით.
განსაკუთრებით დიდ შეშფოთებას იწვევს საქართველოს ხელისუფლების განცხადება, რომ ჩვენი ქვეყანა მზადაა, უმასპინძლოს რუს ტურისტებს პირველი ივლისის შემდეგ. რუსეთი აბსოლუტურად არასანდო ქვეყანაა. ამიტომ იქაურ ტურისტებს ცნობაც რომ მოვთხოვოთ, რომ კორონავირუსი არ აქვთ, ესეც კი არ არის იმის გარანტია, რომ ისინი ჩვენთან COVID-19-ის ახალ ტალღას არ ააგორებენ. 
ჩვენ უკიდურესი სიფრთხილით უნდა მოვეკიდოთ საზღვრების გახსნის საკითხს და ბოლომდე დავრწმუნდეთ, რომ ყველა, ვინც აქ ტურისტად ჩამოდის, აბსოლუტურად ჯანმრთელია.

საქართველოში ლეღვის ნახარშით კიდევ ერთი ადამიანი დაიწვა

საქართველოში ლეღვის ნახარშის დამწვრობა მიიღო ადამიანმა, რომელმაც სითხე გარუჯვამდე კანზე შეიზილა. ამის შესახებ ინფორმაცია დამწვრობის ცენტრის ...