“გაიგეთ, ხალხნო, სხვა გზა არ გვაქვს, თუ არ დავრჩებით სახლში, ვერ გადავრჩებით, გვექნება უდიდესი მსხვერპლი”, - განაცხადა ეპიდემიოლოგმა პაატა იმნაძემ “პირველი არხისთვის” მიცემულ ინტერვიუში, რომელსაც ქვემოთ უცვლელად გთავაზობთ.
ჩანს, იმნაძე შეაძრწუნა კორონავირუსის გავრცელების სწრაფმა ტემპებმა და სიკვდილიანობის მაღალმა დონემ, ასევე საქართველოში ლეგალურად მოქმედი ტერორისტული ორგანიზაციის - საპატრიარქოს მისწრაფებამ, რუსეთის სპეცსამსახურების დავალების და საკუთარი აბსოლუტურად ბრმა ფანატიზმის და უკიდეგანო სიხარბის შესაბამისად გამოიყენოს კორონავირუსი ბიოლოგიურ იარაღად საქართველოს მოსახლეობის წინააღმდეგ და გენოციდი მოუწყოს ქართველ ერს იმით, რომ არ აპირებს, შეწყვიტოს წირვა-ლოცვა და ზიარება საერთო კოვზით.
“ვეღარ დავითვლით საქართველოში კუბოებს. ეს გვინდა? დავრჩეთ სახლში”, - ასეთია პაატა იმნაძის მთავარი გზავნილი და ის ეხება როგორც მრევლს, ასევე ყველა იმ ადამიანად წოდებულ და აზროვნების უნარის მქონე არსებას, რომელსაც სხვა მსგავს არსებებთან ერთად შეკრება და კორონავირუსის გავრცელების ხელშეწყობა შეუძლია.
საქართველოს ხელისუფლების ღია და უსამარცხვინოესი კოლაბორაციის ფონზე ტერორისტულ ორგანიზაციასთან, რომელსაც საპატრიარქო ეწოდება, ამჟამად ჩვენი ბედი, ამ სიტყვის სრული მნიშვნელობით, საქართველოში მცხოვრები თითოეული ადამიანის ხელთაა. ხელისუფლებამ მიგვატოვა და ჩვენი სიცოცხლე და უსაფრთხოება მრევლის ხმებში გადაცვალა. ამიტომ იყავით მაქსიმალურად ყურადღებით, ვისაც ამის ელემენტარული გონიერება მაინც შეგწევთ და ნუ შეიკრიბებით ნურსად, ნურც ეკლესიაში და ნურც სექსკლუბში. გონს მოდით, სანამ ძალიან გვიანი არ არის.
No comments:
Post a Comment